ازاى تحسن خطك

 ناس كتير جدا مش راضيين عن خطهم و عايزين يحسنوه .. علشان ده بيمثل مشكلة عموما و خاصة فى الإمتحانات

و بالتالى … لازم نحل المشكلة دى مع بعض قبل ما ندخل على الفاينل و خطنا مش حلو علشان نقدر ناخد الدرجات اللى نستحقها كاملة ان شاء الله .

يعنى الطالب بيكون خطه مش واضح فممكن اللى بيصحح الإمتحان ميقدرش يقرأ هو كاتب إيه بالظبط … و بالتالى ممكن مياخدش درجته اللى يستاهلها .. و كل ده بسبب ان خطه مش منظم و صعب ان حد يقرأه .

انا دورت و إكتشفت ان دى مهارة زى أى مهارة ممكن الإنسان يتعلمها .. عرفت كمان انه مع التدريب , الواحد ممكن يحسن خطه فعلا و يبقى خطه كويس و منظم و واضح ..

دورت و لقيت الفيديو دة .. لقيت كمان فيديوهات تانية كتير لتحسين الخط و التدريب عليه بالعربى و الإنجليزى … بس اعتقد اننا ممكن نبدأ بالفيديو دة .

طبعا الإنسان بيسعى و بيعمل اللى عليه و ربنا بيوفقه لو كان اخد بالأسباب و اجتهد و اشتغل .. تحسين الخط حاجة مهمة بيساعدك على انك تطلع و تكتب كل الأفكار اللى فى دماغك .. كمان بيساعد المصحح علشان يديلك الدرجات اللى تستحقها .

فى الأخر أحب أقولكوا ذاكروا و اشتغلوا على نفسكوا و إجتهدوا … و إن شاء الله هتوصلوا للتقدير اللى انتوا عايزينه .

تابعونا لأننا هنجبلكوا دروس تانية تتعلموا منها مهارات كتير هتساعدكوا علشان تحسنوا من نفسكوا و تكونوا جاهزين للفاينل كويس .

كمان هنجبلكوا دروس تانية علشان تحسنوا الخط و الكتابة بالإنجليزى لأننا بنستخدمه أكتر من العربى فى الإمتحانات .

Advertisements