اجازة نص السنة 

ناس كتير محتاجين يغيروا جو و يبعدوا عن ضغط الدراسة و المذاكرة و الامتحانات و بيفكروا هيقضوا اجازة نص السنة فين و ازاى و خصوصا ان مدتها قصيرة .

 كمان ناس كتير مش معاهم فلوس كفاية علشان يسافروا 

اتعرفوا على طرق تقدروا بيها تسافروا برا مصر بسهولة و من غير فلوس كتير ولا حاجة . 

انتوا كمان مش بعيد تقبضوا فلوس خلال الاجازة و تتعرفوا على ثقافات جديدة و تشوفوا ناس جديدة و تغيروا جو بحق و حقيقى . 

١.  درِّس انجليزى وانت مسافر!

بقت من أكتر وأشهر أساليب كسب الرزق إن وانت مسافر تعلم اللغة الانجليزية. وانا شخصيا اتعرفت على ESL teachers كتير بيعملوا ده، وبياخدوا مرتبات لطيفة جدا وبيلفوا العالم !.ESL يعنى English as a second language (إنجليزى كلغة ثانية) بالمناسبة. 
أفضل مرتبات للشغلانة دى عادة فى الشرق الأوسط والأقصى.

المرتبات بتتراوح من 400-3000 دولار حسب العقد والمكان اللى هـ تشتغل فيه، وزى ما قلنا العقود الأغلى فى الأساس فى الصين وكوريا واليابان.

أشهر موقع على الإطلاق للتوظيف فى القصة دى اسمه ESL Cafe 

وعادة الوظيفة دى بتتطلب إنك تاخد شهادة اسمها TEFL، وده موقع عليه أشهر أماكن للحصول عليها أونلاين:

i-to-i TEFL

وفيه برنامج يابانى مشهور لتبادل المدرسين ممكن تبص عليه برضه اسمه JET 

٢.  House sitting (خد بالك من بيت حد وهو مسافر!)

أحد الوسائل الصايعة جدا إنك ببساطة تاخد بالك من بيت حد تانى وهو مسافر مقابل أجر! يعنى تاخد بالك من البيت أو تكون مسؤول عن رعاية حيواناته أو جمع البريد أو أى أعمال زى دى مقابل القعدة فى البيت + أجر تتفق معاه عليه!
فيه أكتر من موقع على الإنترنت بـ يوفر الخدمة دى أشهرهم:

Mind my house

وموقع تانى مشهور جدا اسمه House Carers

وموقع تالت اسمه Helpstay، عبارة عن مشاريع اجتماعية. بيديك الاقامة والأكل مقابل مساعدة فى مشروع.

٣.  اشتغل على Cruise ship!

آه ممكن تشتغل على Cruise ship (رحلة بحرية!). فيه راجل برنس اسمه إيرل عامل موقع بيحكى فيه عن تجربته فى الشغل على cruise ships. إيرل قعد يشتغل 10 سنين على cruise ships وبيتنطط من بلد لبلد، ومن مينا لمينا وموقعه Wandering Earl مصدر لأى حد مهتم بالقصة دى. و ده لينكلانترفيو لطيف معاه بيتكلم فيه عن تفاصيل شغله.



طبقا لديريك إيرل من Wandering Earl، خلال الشغل على مركب Cruise الإقامة بـ تكون فى كباين خاصة أو مشتركة مع زميل. الأكل حلو وفيه أنشطة كتير، وحفلات، وجيم وتورز. عدد ساعات العمل بيبقى على حسب شغلك. يعنى بـ يتراوح من 3-4 ساعات (لو بتلعب مزيكا مثلا)، لـ 10 ساعات فى اليوم. وصحيح ده قد لا يبدوا لطيفا، لكن مع اللايف ستايل اللى كله تنقل من بلد لبلد، والتفاعل مع الناس الموضوع ما بيكونش بايخ أوى.

المرتبات المتوسطة على المراكب دى بتبقى حوالى 1000 لـ 3000 دولار شهرى، وطبعا فيه شغلانات high paying تانية. بس طبعا هنا بـ نتكلم على تغيير كامل فى حياتك مش مجرد رحلة.

٤. WWOOFing (اشتغل فى مزرعة!)

بتحب الطبيعة وعندك اهتمام بالحياة الأورجانيك، والزراعة وعايز تكتسب مهارات وفى نفس الوقت تاكل، وتشرب، وتنام ببلاش مقابل تقريبا 4 ساعات شغل؟
اشتغل WWOOFer أو World Wide Opportunities on Organic Farms، جرب مغامرة جديدة من على الشبكة العالمية للـ Organic farms


أو ممكن لو حياة المزارع مش بتاعتك أوى تجرب HelpX . هـ تلاقى عليه برضه organic farm stays (إقامات فى مزارع أورجانيك). وكمان فرص تانية زى مثلا مركز تدريب يوجا واستجمام فى براج طالب حد يقيم هناك، ويساعدهم فى الأعمال اليومية. أو فرصة تانية مثلا زى أسرة من النمسا عايزاك تساعدها فى الأعمال المنزلية (غسيل، ومكواة، وطبخ أحيانا، وتنضيف). ولو تعرف انجليزى ممكن تساعدهم فى تعليم الأولاد انجليزى. الوظيفة دى مقابل إقامة مجانية (أوضة بحمام خصوصى فى بيت فيه جنينة وحمام سباحة).


٥.اشتغل

Au pair

الـ Au pair شرحها صعب شوية،  باختصار إنك تعيشى وتشتغلى فى بيت حد. فى الأساس بـ تبقى مسؤولة عن أطفالهم وكل ما يتعلق بيهم من تنضيف، وتعليم، وتحضير سندوتشات. بتشتغلى (أخت/أخ كبير) يعنى. الفكرة ظهرت فى أوروبا، واشتهرت بعدها فى العالم.  الـ Au pair مش خادمة منزل ولا مربية أطفال. 


ودول موقعين مشهورين لتوظيف الـ aupairs :

Au Pair World

Go Au Pair

أنا شخصيا ما جربتش حاجة من الحاجات دى. وبالمناسبة مش هى دى الطرق الوحيدة للسفر ببلاش. فيه طرق تانية كتير لو دورت. بعضها ممكن ينفعك فى سفرية قصيرة، وبعضها ممكن يحتاج إنك تغير حياتك تماما..

من  http://www.theglocal.com 

تابعونا علشان تعرفوا ايه الحاجات اللى ممكن تعملوها فى الاجازة علشان ماتضيعش عليكوا زى كل سنة . كمان علشان تعرفوا اكتر عن الاماكن اللى ممكن تروحوها فى مصر علشان تغيروا جو و تستمتعوا بالاجازة . 

Advertisements